Молитва вторая

«Господи Боже наш, наказуяй и паки исцеляй, воздвизаяй от земли нища, и от гноища возвышаяй убогаго, милостивне исцелял еси болящия, и немощный, и хромыя, и сухия, отпустив им грехи. И ныне рабом Твоим, в немощи душевней и телесней зле страждущим, исцеление даруй, подая нам оставление грехов: и уврачуй всякую язву, всякий недуг и всяку болезнь нашу. Ты бо еси надежда ненадеящихся, и успокоение труждающихся и обремененных в беззакониях: и Тебе славу возсылаем со Безначальным Твоим Отцем, и Пресвятым Духом, во веки, аминь».