Молитвенное обращение к святым при конкретных болезнях
Молитвенное обращение к святым при конкретных болезнях
ПРИ ГОЛОВНОЙ БОЛИ
Молятся святителю Гурию, архиепископу Казанскому (преставился в 1563 году; дни памяти: 18 декабря; 3 июля).
Молитва святителю Гурию
Святителю отче Гурие! Предстояще священной раце многоцелебных мощей твоих, молим тя усердно быти всегда и везде нашим ходатаем, заступником и покровителем. Исходатайствуй пастве твоей мир, тишину, благоденствие, здравие и спасение.
Буди присный наш заступник от всех врагов, видимых и невидимых; покрывай нас от нахождения всех бед, напастей и скорбей, паче же от искушения врага темнаго. Предстоящим же зде и молящимся испроси у Господа Бога вся, яже ко спасению своему тии просят у Него в своих нуждах и скорбех, да вси мы с тобою прославляем Всесвятое имя Отца и Сына и Святаго Духа, ныне и присно и во веки веков. Аминь.
ПРИ ВЫСОКОЙ ТЕМПЕРАТУРЕ
Молятся Апостолу Петру (преставился в 67 году; дни памяти: 12 июля; 29 января).
Святой апостол Петр имеет особую благодать избавления от болезней, связанных с высоким подъемом температуры тела.
Молитва апостолу Петру
О святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих, в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах.
Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, проливати слезы покаяния, да плачем горько о деяниях наших в веце сем. Иаще твоя слезы, в покаяние излиянныя, милостию своею покры Господь и Учитель твой, испроси и нам, со дерзновением апостольским, прощения во гресе ежечаснаго, от Христа отреченныя злыми помыслы и делы нашими. Да тихое и безмолвное житие поживем в веце сем до часа, воньже имать призвати нас века Господь наш, Судия нелицеприятный. Ты же, о всехвальный апостоле, не отвержи вопля нашего и стенаний к тебе, но заступи нас пред Христом, твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.
ПРИ БОЛЕЗНИ ГОРЛА
Молятся Священномученику Власию, епископу Севастийскому (преставился ок. 316 году; день памяти 24 февраля).
Однажды мальчик ел рыбу. Кость застряла у него горле и стала душить. Мать отнесла полумертвого сына святому Власию. Власий, положив руку на губы мальчика, стал молиться: «О, Господи, помогающий всем, усердно прибегающим к Тебе! Услыши мою молитву: Твоею невидимою силою исторгни кость из горла отрока сего и исцели его. И еще сделай так, что если что подобное случится с кем, то тем из людей, которые при этом скажут: „Боже, молитвами раба Твоего Власия помоги“, — тем Ты, Господи, ускори на помощь и подай исцеление в славу и честь святаго Твоего имени!»
После молитвы святого кость прошла, и мальчик стал здоров. Поэтому святому Власию молятся об исцелении болезни горла и при опасности удавления костью.
Молитва священномученику Власию
Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати, и во всяких прошениях услышанным быти обещавый!
Се ныне к тебе, угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанным, подвигнися на всемощныя твоя к Богу молитвы и помолися о нас, грешных: тя бо, недостойнии, призывати на заступление дерзаем, и желаем от всех грехов наших тобою свобождение получити.
О святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших.
Тя, яко сосуд в честь избранный и исполненный благодати Божия, молим: сподоби нас, грешных, от исполнения твоего желаемое прияти и исцели наша душевныя и телесныя язвы, грехом же нашим прощение и душевному и телесному нашему здравию и спасению полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков. Аминь.
ПРИ БОЛЕЗНЯХ ОРГАНОВ ДЫХАНИЯ
Молятся Святителю Димитрию, митрополиту Ростовскому (преставился в 1709 году; день памяти 4 октября).
Чудеса, происходившие от нетленных мощей святого Димитрия, в основном связаны с болезнями органов дыхания. При жизни Димитрий сам страдал от болезни легких и умер от нее. После смерти он помогает страдающим болезнями органов дыхания.
Молитва святителю Димитрию, митрополиту Ростовскому
О предивный и преславный чудотворче Димитрие, исцеляяй недуги человеческий! Ты неусыпно молиши Господа Бога нашего о всех грешных: молю убо тя, буди ми ходатай пред Господем и помощник на преоборение страстей ненасытныя плоти моея и на одоление стрел сопротивника моего диавола, имиже уязвляет немощное сердце мое и, аки гладный и лютый зверь, алчет погубити душу мою. Ты, святителю Христов, моя ограда, ты мое заступление и оружие. Ты, великий чудотворче, во дни подвигов твоих в мире сем, ревнуя о Православной Церкви Божией, яко истинный и добрый пастырь, неблазненно обличал еси грехи и невежествия людския, и от стези правды в ереси и расколы уклонившияся на путь истины наставлял еси. Споспешествуй убо и мне кратковременный путь жизни моея исправити, да непреткновенно пойду по стези заповедей Божиих и неленостно поработаю Господеви моему Иисусу Христу, яко единому Владыце моему, Искупителю и праведному Судии моему. К сим же припадая, молюся ти, угодниче Божий, егда изъити души моей от бреннаго сего телесе, избави ю от темных мытарств: не имам бо добрых дел ко оправданию моему: не даждь сатане возгордиться победою над немощною душею моею: избави ю от геенны, идеже плач и скрежет зубов, и святыми молитвами твоими сотвори мя причастника Небеснаго Царствия в Троице славимаго Бога, Отца и Сына и Святаго Духа, во веки веков. Аминь.
ПРИ БОЛЕЗНЯХ ЖЕЛУДОЧНОГО ТРАКТА
Молятся Преподобному Феодору Студиту, исповеднику (преставился в 826 году; дни памяти: 24 ноября; 8 февраля).
Феодор сам страдал при жизни болями в желудке. После его смерти от иконы с его ликом получали исцеление больные желудком и другими болезнями брюшной полости.
Тропарь, глас 8-й преподобному Федору Студиту
Православия наставниче, благочестия учителю и чистоты, вселенной светильниче, монашествующих Богодуховенное удобрение, Феодоре премудре, учеными твоими вся просветил еси; цевнице духовная. Моли Христа Бога спастися душам нашим.
Кондак, глас 2-й
Постническое и равноангельское житие твое страдальческими уяснил еси подвиги, и Ангелом совесельник, богоблаженне, явился еси, Феодоре: с ними Христу Богу моляся не престай о всех нас.
Преподобному Серафиму, Саровскому чудотворцу (преставился в 1833 году; дни памяти: 15 января; 1 августа).
Молитва преподобному Серафиму, Саровскому чудотворцу
О, пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощ и неутешен отыде, но всем в сладость бысть видение лика твоего и благоуветливый глас словес твоих.
К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя; се бо по всем концем земли нашея людем Божиим являешися и даруеши им исцеления. Темже и мы вопием ти: о, претихий и кроткий угодниче Божий, дерзновенный к Нему молитвенниче, николиже призывающия тя отреваяй! Вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.
ПРИ БОЛЕЗНЯХ ОРГАНОВ КРОВЕТВОРЕНИЯ
ПРИ ЛЕЙКЕМИИ (злокачественном поражении органов кроветворения) молятся мученику Иоанну Воину (IV век; день памяти 12 августа). Иоанн Воин тайно помогал христианам при гонениях на них во время Юлиана Отступника. Он оказывал помощь всем, кто к нему обращался, и давал все, в чем они нуждались.
Молитва мученику Иоанну Воину
О великий Христов мучениче Иоанне, правоверных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешати, немощным помогати, неповинныя от напрасныя смерти избавляти и за всех зле страждующих молитися. Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющим нам злая. Умоли Господа нашего, да сподобит ны, грешныя и недостойныя рабы Своя, получити от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь.
При Грыже
Для исцеления от грыжи молятся великомученику Артемию (преставился в 362 году; день памяти 2 ноября).
Святой Артемий был придавлен мучителями огромным камнем, из-за чего у него вышли наружу внутренности.
Тропарь великомученику Артемию
Истинною бо Христовою верою утверждься, страстотерпче, мучителя злочестива царя победил еси со идольским того возношением. Тем от Царя великаго, вечно царствующего, пресветлым венцем победным одарен бысть, вся исцеляяй болящия и призывающия тя, Артемие великий, моли Христа Бога спасти души наша.
Кондак
Благочестиваго и венценоснаго мученика, на враги победы вземшаго одоление, сошедшеся достойно песньми восхвалим Артемия, превеликаго в мученицех, чудес же дателя пребогатаго: молится бо Господу о всех нас.
При Водянке
Молятся Преподобному Ипатию, игумену Руфианскому (преставился ок. 446 году; день памяти 13 апреля).
Молитва общая преподобному Ипатию (молитва святому)
Моли Бога о мне угодниче Божий святый Ипатий, яко аз усердно к тебе прибегаю, скорому помощнику и молитвеннику о душе моей.
В службе этому святому говорится: «Дарование получил ты от Господа, Ипатий достохвальный, различныя недуги исцеляти, а наипаче водныя болезни».
ПРИ БОЛЕЗНЯХ НОГ
Молятся праведному Симеону Верхотурскому (преставился в 1694 году; дни памяти 25 сентября; память 31 декабря), а также святым бессребреникам и чудотворцам Косме и Дамиану (молитву см. выше).
Святой праведный Симеон ходил пешком аж в Сибирь. От такой продолжительной ходьбы его ноги болели. Он помогает избавиться от усталости и болей в ногах. Кроме этого, он способствует исцелению глаз.
Молитва святому праведному Симеону, Верхотурскому чудотворцу
О святый и праведный Симеоне, чистою душею твоею в небесных обителех в лике святых водворяяйся, на земли же с нами неотступно пребываяй! По данной ти благодати от Господа молитися о нас, милостивно призри на нас, многогрешных, аще и недостойне, обаче с верою и упованием к тебе притекающих, и испроси нам от Бога прощение согрешений наших, в няже впадаем множицею во вся дни жития нашего. Иякоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от веяния скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарив восхваляюще тя, прославим Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.
Молятся так же Преподобному Серафиму, Саровскому чудотворцу (преставился в 1833 году; дни памяти: 15 января; 1 августа).
Преподобный Серафим взял на себя суровый подвиг столпничества. Он каждую ночь поднимался на огромный камень в лесу и молился с воздетыми руками. А днем молился в келье также на небольшом камне, сходя с него только для отдыха и подкрепления тела пищей. Получил дар исцеления от всех болезней, в том числе болезней ног (молитву см. выше).
Обращаются к Преподобному Иакову Железноборовскому (преставился в 1442 году; дни памяти: 24 апреля; 18 мая).
Преподобный Иаков дважды ходил пешком в Москву, превозмогая боли в ногах. Последний раз, он проделал это в глубокой старости! Кроме этого, ему молятся и об исцелении от паралича.
Молитва преподобному Иакову Железноборовскому
Преподобие и богоносне отче наш Иакове! Приими ныне нас, тебе усердно молящихся и припадающих ко всечестному и многоцелебному твоему гробу, идеже святое твое и многотрудное покоится тело. Духом же на небесех предстоя Святей Троице со Ангелы и преподобных отец лики, молися о нас, чадех твоих, отче, да избавимся от всяких скорбей, болезней, бед и обстояний, и благочестно поживем в настоящем житии, ходяще в заповедех и оправданиих Господних безпорочно, и да явимся последователи святому и равноангельскому житию твоему. Ей, преподобие отче, молим тя, испроси нам же и всем, с верою к тебе притекающим, грехов прощение, телесем здравие, исправление жития и вечное спасение, яко да твоим предстательством спасении, славу возсылати сподобимся в Троице славимому Богу, Отцу и Сыну и Святому Духу, ныне и присно и во веки веков. Аминь.
ПРИ БОЛЯХ И ТРАВМАХ РУК
Молятся преподобному Иоанну Дамаскину (преставился ок. 780 года; день памяти 17 декабря).
Иоанну Дамаскину по клевете отсекли руку. Он с верой приложил ее и слезно молился перед иконою Божией Матери, чтоб рука приросла обратно. И отсеченная рука, когда он забылся после продолжительной молитвы, срослась. Остался лишь тонкий шрам. Иоанн Дамаскин, в знак благодарности Божией Матери, привесил к Ее иконе серебряное изображение руки, отчего икона получила название «Троеручица». Самому Иоанну Дамаскину была дана благодать оказывать помощь при болях или травмах рук.
Кондак преподобному Иоанну Дамаскину
Песнописца и честнаго богоглагольника, Церкве наказателя и учителя, и врагов сопротивоборца, Иоанна воспоим: оружие бо взем Крест Господень, всю отрази ересей прелесть, и яко теплый предстатель к Богу всем подает прегрешений прощение.
ПРИ БОЛЯХ В ПОЯСНИЦЕ
Молятся преподобному Серафиму, Саровскому чудотворцу (преставился в 1833 году; дни памяти: 15 января; 1 августа). Молитву см. выше.
ПРИ БОЛЕЗНЯХ ГЛАЗ
При глазных болезнях помогают Николай Угодник, бессребреники Косма и Дамиан, великомученик Пантелеймон, мученик Лонгин сотник (прославился в I веке; день памяти 29 октября).
Лонгин сотник находился на страже у Креста Спасителя. Во время прободения копьем ребер Христовых капля крови капнула на его больные глаза, и он исцелился. Первым чудом от усеченной мечом главы Лонгина было прозрение ослепшей женщины.
Кондак Мученику Лонгину сотнику, бывшему при Кресте Господнем
Весело возрадовася Церковь, в память днесь приснопамятнаго страдальца Лонгина, взывающи: Ты моя держава, Христе, и утверждение.
Обращаются также к святителю Алексию, митрополиту Московскому и всея Руси, чудотворцу (преставился в 1378 году; дни памяти 25 февраля; 2 июня; 18 октября).
Еще при своей земной жизни митрополит Алексий с помощью молитвы исцелял глазные болезни. Так, он исцелил жену татарского хана Джанибека Тайдулу от слепоты, помолившись за нее Богу. Поэтому святому Алексию молятся о даровании прозрения и других болезнях глаз.
Молитва Святителю Алексию, митрополиту Московскому и всея Руси.
О пречестная и священная главо, и благодати Святаго Духа исполненная, Спасово со Отцем обиталище, великий архиерее, теплый наш заступнице, святителю Алексиев. Предстоя у Престола всех Царя и наслаждаяся света Единосущныя Троицы и херувимски со Ангелы возглашая песнь Трисвятую, велие и неизследованное дерзновение имея ко Всемилостивому Владыце, молися спасти люди паствы твоея, единородный ти язык, благостояние святых церквей утверди, архиереи благолепием святительства украси, монашествующая к подвигом добраго течения укрепи; град сей (или: весь сию; аще во обители: святую обитель сию) и вся грады и страны добре сохрани и веру святую непорочну соблюсчу ти Господа умоли; мир весь умири, от глада и пагубы избави ны и от нападения иноплеменных сохрани нас; старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся от всяких напастей и бед ходатайством твоим свободи, да зовем ти: о, богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день страшнаго пришествия Его шуияго стояния избавит нас и радости святых причастники сотворит со всеми святыми во веки. Аминь.
Молятся так же блаженному Василию, Христа ради юродивому, Московскому чудотворцу (преставился в 1552 году; день памяти 15 августа).
Мощи Василия Блаженного прославились различными чудесами, в том числе и исцелением больных от глазных болезней.
Молитва Василию Блаженному, Христа ради юродивому, Московскому чудотворцу
О великий угодниче Христов, истинный друже и верный рабе Всетворца Господа Бога, преблаженне Василие! Услыши ны многогрешныя, ныне вопиющия к тебе и призывающия имя твое святое, помилуй ны, припадающие днесь к пречистому образу твоему, приими малое наше и недостойное сие моление, умилосердися над убожеством нашим и молитвами твоими исцели всяк недуг и болезнь души и тела нашего грешнаго; и сподоби ны течение жизни сея невредимо от видимых и невидимых враг и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков.
Аминь.
ПРИ ЗУБНОЙ БОЛИ
Молятся священномученику Антипе, епископу Пергама Асийского (преставился в 92 году; день памяти 24 апреля). Антипа был брошен мучителями в раскаленного медного вола, куда обычно бросали жертвы идолам. В молитвах он просил Бога о даровании ему способности лечить людей от зубной боли, что и было ему дано.
Молитва священномученику Антипе, епископу Пергама Асийского
О преславный священномучениче Антипо, скорый помощниче христианом в болезнех! Верую от всея души и помышления, яко дадеся тебе от Господа дар болящия исцеляти, недугующия врачевати и разслабленныя укрепляти. Сего ради к тебе, яко благодатному врачу болезней, аз немощный прибегаю и твой досточтимый образ с благоговением лобызая, молюся: твоим предстательством у Царя Небеснаго испроси мне, болящему, исцеление от удручающая мя зубныя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.
ПРИ БЕССОННИЦЕ
От бессонницы молятся Ангелу хранителю (смотрите молитву выше), а так же преподобному Иринарху, затворнику Ростовскому (преставился в 1616 году; день памяти 26 января). Иринарх в 30 лет отказался от мира и постригся в монахи. Провел 38 лет в затворе в Борисоглебском монастыре. Во время затвора проводил бессонные ночи.
Молитва преподобному Иринарху, затворнику Ростовскому
О преподобие отче Иринарше! Се мы молим тя усердно: буди ходатай наш присный, испроси нам от Христа Бога мир, тишину, благоденствие, здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушений врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.
ПРИ ХРАПЕ
Молятся мученику Трифону (преставился в 250 году; день памяти 14 февраля).
Трифон, ведя святую и чистую жизнь, угодил Богу и получил от Него дар исцелять людей, а также избавлять их и от других вредных напастей (и от храпа в том числе).
Молитва мученику Трифону
О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той избавлен будет от всякаго прилога злаго. И якоже ты некогда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки веков. Аминь.
ПРИ НЕМОТЕ
Молятся преподобному Иоанну Рыльскому (преставился в 946 году; дни памяти: 31 августа; 1 ноября). Он 60 лет провел в пустыне, которую называли Рыльской, где вел строгую подвижническую жизнь. Жил в большом дупле дерева, проводя время в посте, слезах и непрестанных молитвах Богу. Питался только растениями и был окружен одними дикими зверями.
Не только при жизни, но и от мощей преподобного Иоанна истекали дивные и преславные исцеления.
Однажды архиепископ не пожелал поклониться мощам святого Иоанна Рыльского, по причине своего неверия, говоря: «Древние книги не упоминают о таком чудотворце». Тогда внезапно онемел его язык. Поняв свою вину и припав с мольбами к ковчегу с мощами преподобного, архиепископ обрел прежнюю речь.
В настоящее время мощи преподобного Иоанна Рыльского находятся в Болгарии (откуда он родом), в городе Тырново. Они до сих пор даруют исцеления, тем, кто приходит с верою — слепые прозревают, немые начинают говорить, больные получают здравие, бесноватые исцеляются.
Тропарь преподобному Иоанну Рыльскому
Покаяния основание, прописание умиления, образ утешения, духовнаго совершения, равно Ангелом житие твое бысть преподобие: в молитвах убо и пощениих, и в слезах пребывая, отче Иоанне, моли Христа Бога о душах наших.
Кондак
Ангельскому житию поревновав, преподобие, вся земная оставив, ко Христу притекл еси, и Того заповедьми ограждаяся, явился еси столп непоколебим от вражиих нападений. Тем зовем ти: радуйся, отче Иоанне, светило пресветлое.
ПРИ РАССЛАБЛЕНИИ ТЕЛА
Молятся преподобному Александру Свирскому (преставился в 1533 году; дни памяти 12 сентября; 30 апреля).
Александр Свирский за свою богоугодную жизнь удостоился видения Пресвятой Троицы. Из двадцати трех чудес, совершенных согласно его жизнеописанию, около половины относится к исцелению расслабленных и парализованных.
Молитва преподобному Александру Свирскому
О священная главо, ангеле земный и человече небесный, преподобие отче наш Александре, изрядный угодниче Пресвятыя и Единосущныя Троицы, многия милости живущим во святей обители твоей и всем, с верою и любовию притекающим к тебе, являяй/ Испроси нам вся к житию сему временному благопотребная, паче же к вечному спасению нашему нужная. Буди всем нам, чудотворче святый, во всякой скорби и обстоянии скорый помощник. Наипаче же в час кончины нашея явися нам заступник благосердый, да не предани будем на мытарствах воздушных власти злобнаго миродержца, но да сподобиися непреткновеннаго восхода во Царствие Небесное. Ей, отче, молитвенниче наш присный! Не посрами упования нашего, не презри смиренных молений наших, но присно о нас пред Престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойни есмы, в селениих райских славити величие, благодать и милость единаго в Троице Бога, Отца и Сына и Святаго Духа, во веки веков. Аминь.
ПРИ ПАРАЛИЧЕ
Молятся преподобной Евдокии, княгине Московской (преставилась в 1407 году; дни памяти: 20 июля;30 мая).
Молитва благоверной княгине Московской Евдокии, во иночестве Евфросинии
О преподобная княгине Евфросиние, добрая в женах подвижнице, прехвальная угоднице Христова! Приими моление нас недостойных, с верою и любовию к раце мощей твоих припадающих, и твоим теплым к Богу ходатайством испроси граду твоему и людем от бед и напастей сохранение; обители, тобою созданней, утверждение и благоспеяние; подвизающимся же во обители твоей споспешествуй, яко чадолюбивая мати, иго Христово во благодушии и терпении понести и ко исправлению жития своего добре подвизатися; в мире благочестно живущим испроси у Господа в вере твердость, во благочестии преуспеяние, и всем, с верою прибегающим к тебе и твоея просящим помощи и заступления, подавай всегда недугов исцеление, в скорбех утешение и во всем житии благопоспешение; наипаче же умоли Господа в мире и покаянии земное житие прейти нам, от мытарств же горьких и мук вечных избавитися и Царство Небесное твоим ходатайством получити, идеже ты со всеми святыми Господу предстоиши, да славим Отца и Сына и Святаго Духа, ныне и присно и во веки веков. Аминь.
Обращаются также за помощью к преподобному Иакову Железноборовскому (молитву см. выше).
ПРИ ЭПИЛЕПСИИ (падучей)
Молятся святому мученику Виту (преставился ок. 303 г.; дни памяти 29 мая; 28 июня), который проживал на острове Сицилия. В 12 лет, благодаря круглосуточной молитве, которую он творил, одевшись во власяницу, он услышал божественный голос: «Твоя молитва услышана! Я явлю на тебе милость Мою!» После этого отрок стал творить чудеса, в том числе и исцелять. Ему давалось все, что он ни просил у Бога. Просите святого мученика Вита своими словами, искренно, слезно, и он поможет.
ДЛЯ ИСЦЕЛЕНИЯ ОТ БЕСНОВАНИЯ
Молятся праведному Иоанну Кронштадтскому (преставился в 1908 году; день памяти 2 января).
Иоанн Кронштадтский взял на себя крестный подвиг исповедника Христова. По его святым молитвам совершались чудеса и тысячи исцелений. Еще при жизни Иоанна многие больные прибегали к его помощи в надежде получить исцеление. И если сам больной был искренним, то молитва Иоанна о нем всегда была услышана. Иоанну Кронштадтскому молятся об исцелении от различных недугов, в том числе и об исцелении от беснования.
Сейчас многие не верят, что существуют бесы и прочие темные духи и силы, могущие вредить человеку. Вот как сам Иоанн Кронштадский в начале XX века говорил об этом предмете.
«Упорное неверие в бытие злых духов есть настоящее беснование, ибо идет наперекор истине, наперекор Божественному откровению… Бесноватые были прежде, они есть и ныне; только ныне, в новой благодати, бесы действуют скрытнее и хитрее, чем в то старое время, когда сила и власть их над людьми не были еще торжественно сокрушены, и им было гораздо больше простора в мире. И теперь, впрочем, бешеных людей очень и очень много. Кому из нас неизвестен нынешний род бесноватых или бешеных пьяниц…»
Молитва Святому праведному Иоанну, пресвитеру и Чудотворцу Кронштадтскому
О великий чудотворче и предивный угодниче Божий, Богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.
Ты же, отче праведный, велие дерзновение ко Господу и сострадание к ближним своим имея, умоли Всещедраго Вдадыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует. О святче Божий, помози нам веру Православную непорочно соблюсти и заповеди Божий благочестно сохранить, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя. Еще молим тя, отче праведне, о еже Церкви нашей Святей до скончания века утвержденной быти, отечеству же нашему мир и пребывание испроси и от всех зол сохрани, да тако народи наша, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже и движемся и есмы, и пребудем во веки. Аминь.
Так же просят о помощи святителя Тихона, епископа Воронежского, Задонского Чудотворца (преставился в 1783 году; день поминовения 26 августа). От мощей этого угодника Божьего получали исцеление именно такие больные.
Молитва Святителю Тихону, епископу Воронежскому, Задонскому Чудотворцу
О всехвальный святителю и угодниче Христов, отче наш Тихоне! Ангельски на земли пожив, ты яко ангел благий явился еси и в дивнем твоем прославлении. Веруем от всея души и помышления, яко ты, благосердный наш помощниче и молитвенниче, твоими неложными ходатайствы и благодатию, от Господа обильно тебе дарованною, присно способствуеши нашему спасению. Приими убо, ублажаемый угодниче Христов, и в час сей наша недостойная моления: свободи ны твоим заступлением от облеающаго нас суесловия и суемудрия, неправоверия и зловерия человеческаго. Потщися, скорый о нас предстателю, благоприятным твоим ходатайством умолити Господа, да пробавит Своя величия и богатыя милости на нас, грешных и недостойных рабов Своих, да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших, и да избавит ны от вечных мук и огня геенскаго, всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со ангелы и со всеми святыми славити и воспевати Всесвятое Имя Отца и Сына и Святаго Духа во веки веков. Аминь.
ПРИ НАРЫВАХ И СТРУПЬЯХ
Молятся бессребреникам мученикам Киру и Иоанну (преставились в 311 году; дни памяти: 13 февраля; 11 июля).
Святые мученики Кир и Иоанн — «безмездные» врачи, лечившие страждущих болезнями еще при своей земной жизни.
Тропарь бессребреникам и мученикам Киру и Иоанну
Святии славнии Кире и Иоанне, безсеребреницы, мученицы и чудотворцы, милосердием своим, яко стеною необоримою, нас оградите от всех бед и от врагов видимых и невидимых сохраните непрестанною вашею молитвою ко Господу.
Кондак
От Божественный благодати дар чудес восприемше, святии, чудодействуете непрестанно, вся наша страсти рукодействием секуще невидимо, Кире Богомудре со Иоанном славным: вы бо сущне Божественнии врачеве есте.
ПРИ ЖЕНСКОМ КРОВОТЕЧЕНИИ
Молятся преподобному Ипатию Печерскому, целебнику (преставился в XIV веке; день памяти 13 апреля).
Преподобный Ипатий Целебник весь день непрестанно трудился в послушании монастырском, ухаживал за больными, а ночи еще стоял на молитве, почти не спал. Ел только хлеб и воду, и то в малом количестве. За самоотверженный подвиг получил от Бога дар исцеления путем наложения рук на больного. Страдавшие от разных недугов, в том числе и от женского кровотечения, получали исцеление, если молились преподобному Ипатию.
Тропарь, глас 1
Безначального оного и тихаго места, идеже несть печали, ни воздыхания, достигнути, преподобне, желая, не дал еси себе зле покоя нимало, но присно день и нощь в делах всяких и жестоком житии трудолюбно подвизаяся, пребываеши, тем желаемого получил уже, Ипатие, молися о душах наших.
Кондак, глас 3
Труды ко трудам выну ради Господа прилагая, никогдаже обрелся еси празден, Ипатие. Темже и в лепоту трудолюбив наречеся, звание прием от дел.
ПРИ СУПРУЖЕСКОМ БЕСПЛОДИИ
Молятся праведным Богоотцам Иоакиму и Анне, родителям Пресвятой Девы Марии (день памяти 22 сентября).
Праведные Иоаким и Анна до самой старости не имели детей, но не отчаивались и обращались с молитвой к Господу, обещая, что если Бог даст им дитя, то посвятят его Богу. Господь услышал их молитву и даровал им дочь Пресвятую Деву Марию. Поэтому праведные Богоотцы Иоаким и Анна — главные помощники в супружеском неплодстве.
Молитва святым праведным Богоотцам Иоакиму и Анне, родителям ПРЕСВЯТОЙ БОГОРОДИЦЫ
О приснославнии Христовы праведницы, святии Богоотцы Иоакиме и Анно, предстоящий Небесному Престолу Великаго Царя и велие дерзновение к Нему имущий, яко от Преблагословенныя Дщери вашея, Пречистыя Богородицы и Приснодевы Марии, воплотитися изволившему! К вам, яко многомощным предстателем и усердным о нас молитвенником, прибегаем мы, грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый, и да безчисленныя прегрешения наша презрев, обратит нас на путь покаяния и на стезе заповедей Своих да утвердит нас. Таже молитвами вашими в мире живот наш сохраните и во всех благих благое поспешение испросите, вся яже к животу и благочестию потребная нам от Бога дарующе, от всяких напастей и бед и напрасный смерти предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и тако в мире временное сие житие прешедше в вечный достигнем покой, идеже вашим святым умолением да сподобимся Небеснаго Царствия Христа Бога нашего, Ему же со Отцем и Пресвятым Духом подобает всякая слава, честь и поклонение во веки веков. Аминь.
В ТРУДНЫХ РОДАХ
Молятся великомученице Анастасии Узорешительнице (преставилась ок. 304 года; день памяти 4 января).
Анастасия родилась в Риме, в знатной семье. После смерти родителей она стала наследницей огромного богатства, которое употребила на то, чтобы облегчить жизнь христиан, содержащихся в тюрьмах (узах). Анастасия была названа Узорешительницею, так как своей тайной помощью она многим христианам помогла выйти из тюрьмы.
Молитва
О многострадальная и премудрая великомученице Анастасие! Ты душею на Небеси у Престола Господня предстоиши, на земли же, данною тебе благодатию различная совершаеши исцеления. Призри убо милостивно на предстоящия люди и молящияся пред пречистым образом твоим, просящия твоея помощи: простри ко Господу святыя молитвы твоя о нас, и испроси нам оставление согрешений наших: недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшнем суде Своем, да сподобимся и мы купно с тобою славити Отца и Сына и Святаго Духа во веки веков.
Аминь.
ПРИ БОЛЕЗНЯХ МЛАДЕНЦЕВ
Молятся праведному Симеону Богоприимцу (день памяти 16 февраля). Когда на сороковой день Дева Мария принесла Иисуса Христа в храм, старец Симеон принял Его с радостью в свои объятия. Поэтому праведному Симеону Богоприимцу молятся об исцелении, сохранении здравия младенцев и о покровительстве детям.
Молитва святому праведному Симеону Богоприимцу
О великий угодниче Божий и Богоприимче Симеоне! Предстоя Престолу Великаго Царя и Бога нашего Иисуса Христа, велие дерзновение имаши к Нему, во объятиих твоих нашего ради спасения носитися изволившему. К тебе убо, яко многомощному предстателю и крепкому о нас молитвеннику, прибегаем мы, грешнии и недостойнии. Моли Благость Его, яко да отвратит от нас гнев Свой, праведно по делом нашим на ны движимый, и, презрев безчисленная прегрешения наша, обратит нас на путь покаяния и на стезе заповедей Своих утвердит нас. Огради молитвами твоими в мире живот наш, и во всем благом благое поспешение испроси, вся яже к животу и благочестию потребная нам даруя. Якоже древле Великий Новградявлением чудотворныя иконы твоея от губительства смертнаго избавил еси, тако и ныне нас и вся грады и веси страны нашея от всяких напастей и бед и напрасныя смерти предстательством твоим избави, и от всех враг видимых и невидимых покровом твоим защити. Яко да тихое и безмолвное житие поживем во всяком благочестии и чистоте и, тако в мире временное сие житие прешедше, в вечный достигнем покой, идеже сподобимся Небеснаго Царствия Христа Бога нашего, Ему же всякая слава подобает со Отцем и Пресвятым Его Духом, ныне и присно и во веки веков.
Аминь.
ОБ ИЗБАВЛЕНИИ ОТ ПЬЯНСТВА И ЗАПОЯ
Молятся мученику Вонифатию (преставился в 290 году; день памяти 1 января).
Вонифатий был управляющим в имении богатой римлянки по имени Аглаида. Вместе с ней он предавался всевозможным грехам, в том числе и пьянству. Но Бог внушил им путь к спасению. Поэтому Вонифатию молятся об избавлении от страсти пьянства и запоя.
Молитва святому мученику Вонифатию
О многострадальный и всехвальный мучениче Вонифатие! Ко твоему заступлению ныне прибегаем. Молений наших, не отвержи, но милостиво услыши нас. Виждь братия и сестры наша (имена), тяжким недугом пианства одержимыя, виждь того ради от Матере своея, Церкве Христовой, вечнаго спасения отпадающия. О святый мучениче Вонифатие, коснися сердец их данною ти от Бога благодатию, скоро возстави от падения греховного и ко спасительному воздержанию приведи их. Умоли Господа Бога, Его же ради и страдал еси, да простив нам согрешения наша, не отвратит милости Своея от сынов Своих, но да укрепит в нас трезвении и целомудрии, да поможет Своею десницею воздержание крепкое и спасительный Богу обещание свое до конца сохранити, во дни и нощи о нем бодрствующе, и добрый ответ о нем ведати на Страшном судище. Приими, угодниче Божий, молитвы матерей, о чадех своих слезы проливающих, жен честных, о мужех своих рыдающих, чад сирых и убогих, от пианиц оставленных; и всех нас, к иконе твоей припадающих, и да приидет сей вопль наш молитвами Твоими ко Престолу Всевышняго, даровати всем по молитвам их здравие и спасение душ и телес, наипаче же Царствие Небесное. Покрый и соблюди нас от лукаваго уловления и всех козней вражиих, в страшный час исхода нашего помози прейти непреткновенно воздушныя мытарства и молитвами твоими избави вечнаго осуждения. Умоли же Господа даровати нам к Отечеству нашему любовь нелицемерную и непоколебимую пред врагами Церкви Святыя видимыми и невидимыми, да покроет нас милость Божия в нескончаемыя веки веков. Аминь.
О СКОРОМ ВЫЗДОРОВЛЕНИИ или ЛЕГКОЙ КОНЧИНЕ ДЛЯ ТЯЖКОБОЛЬНЫХ
Молятся преподобному Афанасию Афонскому (преставился в 1000 году; день памяти 18 июля).
Преподобный Афанасий совершил множество чудес. К нему приходили отчаявшиеся люди, и он подавал им скорую помощь.
Молитва преподобному Афанасию Афонскому
Преподобный отче Афанасие, изрядный угодниче Христов и великий Афонский чудотворче! Во дни земнаго жития твоего многия на путь правый наставивый и в Царствие Небесное мудре руководивый, скорбныя утешивый, падающим подавый руку помощи и всем любезен, милостив и сострадателен отец бывый!
Ты и ныне, в Небесней пребывая светлости, наипаче умножаеши любовь твою к нам немощным, в море житейстем различно бедствующим, искушаемым духом злобы и страстьми своими, воюющими на дух.
Сего ради смиренно молим тя, святый отче: по данней тебе от Бога благодати помози нам волю Господню в простоте сердца и смирении творити, искушения же вражия победити и свирепое страстей море изсушити, да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще безначальную Троицу, Отца и Сына и Святаго Духа, ныне и присно и во веки веков. Аминь.